SPIGA
NEWS
"Tudu rubêra ta bira riu!", Dr. Azágua Email
"Education's purpose is to replace an empty mind with an open one.", Malcolm Forbes
Wednesday, April 29, 2009
|
"Tudu rubêra ta bira riu!", Dr. Azágua Email "Education's purpose is to replace an empty mind with an open one.", Malcolm Forbes Wednesday, April 29, 2009 |
|
|
SPORTINGISTA By Dr. Azágua
N bai pa Purtugal Es fla-m ma-n ka sta na padjigal Tó ki-n txiga na Lisboa Pa-m mostra un kara boa y pa-n ka fala à toa. N txiga na sidadi Es pidi-m pa bilheti d’intidadi Kómu N ben di Nórti N aprizenta pasaporti Es da-m kórti Es fla-m ma mi ê Spórti. Sér benfikista nen na mórti.
Ami ê Spórti Pur isu mi ê forti Ami ê Liãu Pur isu mi ê kampiãu.
N ba pa Alvaladi Es fla-m ma-n ten idadi Di sta na sosiedadi Es sabe ma mi é konxedu Ma ku mi ka ta mexedu Es teneba nha méza stendedu Nha bilheti rezervadu Ku bóka kaladu.
Es fla-m: Bo ê di kaza! Bo ê di kaza! Nos Prizidenti resebe-m ku kara kontenti.
João Pinto da-m un bola El fla-m pa-n lembra m’é ka karambola Pa-n djuga bola nen s’ê k’un krióla.
Dipôs di jogu nu ba festeja Má é ka na igreja Benfikistas fika tudu ku inveja Pamó es ka dadu serveja.
João Pinto fla-s p’es ba pa kaza Pamó sés ágia dja kebra aza El fla-s p’es skêse di Benfika M’é na Spórti k’el kre fika.
Es fika ku raiba di João Pinto En vês di serveja, es bibe vinhu tintu Es tuma gata tê otu dia Es ba para tudu na kadia.
Es dura ku libertadu Es fika tudu xatiadu Es ka pasadu kartãu Pamó es ka tinha razãu.
Nos Spórtingista Nu tene-s na pista. Tó k’es kontra ku nos Nu ta mostra-s ken k’é nos!
Anós ê Spórti! Pur isu nos ê forti! Anós ê Liãu! Pur isu nos ê kampiãu!
|
|
Send mail to
jackandrade@comcast.net with
questions or comments about this web site.
|
