Mi ê Benfika!!

By Dr. Azágua

Ê nos k’ê Benfika!

Nu ka stâ más na bika!

Ê nos ki ta komanda Superliga!

Dentu kanpu nu ta prizenta tátika

Dentu d’ária nu ta pô na prátika!

Tudu jornada nu ta prizenta rezistênsia

Y nu ta mostra konsistênsia!

Nos é k’atôr má nu ta faze filmi !

Dentu nos kanpu nu ta derrota tudu timi!

Nu ka nporta ku Portu ki fare Spórti!

Konpiti ku nos, nhos stâ prokura nhos própi mórti!

Paké inveja si nós ê vensedôr?

Anós ê ka k’es tipu ki ta mafia jugador.

Nãu, nãu!

Nos ê Benfika

Nu ben pa fika

Nu ta pô ruspêtu

Pamó ê sin k’ê fêtu!

Prepara pamó na kontra-atáki

Nhos stâ morre d’atáki.

Nos é ka lentu…

Nãu, nãu!

Pergunta Luizãu…

Nu ta leba nhos sima bentu

Nu ta dispara bola moda flêxa

Guarda-rêdis ku dor ten ki kêxa!

Nu stâ vive bons mumentu

Pamó nu ten txêu talentu

Nos é Benfikista

Ki ten txêus artista!

Cardozo ê prigôzu

DiMaria ê más ki Faria

Saviola ê rabentola

Pablo Aimar ê nhos azar

Luizão ê patrãu

Coenträo ê fogetão

David Luís ê juís.

Carlos Martins

Alén di bola, el ta djuga hókey-en-patíns.

Quin ê moda um pasin.

Ramirez ten pulmãu

más grandi ki tudu balãu

Nuno Gomes pa nós ê un mudélu

Pa nhos é un pizadélu

Golus ki dj’el marka

Djâ ká dexa marka.

Éi, nhos troka manêra

Nhos dexa d’asnêra

Pamó d’es bês k’ê bês!

D’es bês

Nhos ta fika ta txêra!

D’es bês ê nos bês!

Nos ê Benfika

Nu ben pa fika

Nu ta pô ruspêtu

Pamó ê sin k’ê fêtu!

 Viva Benfika!!!